ڈاکٹر شکیل فاروقی
جامعہ کراچی کے سابق صدر انجمن اساتذہ ڈاکٹر شکیل فاروقی کورونا سے انتقال کرگئے۔ چند روز سے شکیل فاروقی نجی اسپتال میں زیر علاج تھے جہاں آج اُن کا انتقال ہو گیا.
ڈاکٹر شکیل فاروقی انجمن اساتذہ کے دو مرتبہ صدر منتخب ہوئے، اس کے علاوہ رکن سینڈیکیٹ اور مشیر برائے شیخ الجامعہ کی ذمہ داریاں بھی ادا کیں۔ وہ پاکستان ٹیلی ویژن میں اسلامی پروگرام کے طویل عرصہ تک میزبان بھی رہے۔
ابھی پچھلے دنوں ہی وہ حلقہء اربابِ ذوق میں مہمانِ خصوصی کے طور پر تشریف لائے تھے.
غزل
ادب کی وادی کا روشن مکیں تھا
سبھی کہتے ہیں اُن کا ہمنشیں تھا
سفر واجب تھا لیکن اِس طرح سے
وہ جائے گا ہمیں یہ کب یقیں تھا
ہاں لگتا یوں ہے دنیا راستہ تھی
اُسے پیشِ نظر عرشِ بریں تھا
دمکتا تھا وہ اپنے لفظ لے کر
ستارا ہر کوئی جیسے زمیں تھا
وہ محفل تھا ہر اِک محفل میں جیسے
وہ جھرمٹ میں کوئی روشن جبیں تھا
عمّاریاسر
15 مارچ, 2021
